Директорот на ЈП ЖРСМ Инфраструктура Зоран Трифуновски и генералниот директор на Инфраструктура Железници на Србија Небојша Шурлан со своите соработници разговараа за голем број теми околу взаемната соработка на двете железнички инфраструктурни компании на состанокот којшто се одржа во Белград на 6-ти октомври 2023 година.
На состанокот помеѓу челниците на двете железнички компании се зборуваше за перспективите и плановите за развојот на инфраструктурите на двете земји и железничкиот сообраќај на Коридор 10.
Делегацијата на ЖРСМ инфраструктура беше запозната со искуствата од изградбата на брзата пруга Белград – Нови Сад за брзина од 200 км на час, како и за продолжувањето на изградбата на брзата пруга од Нови Сад кон Суботица и понатаму кон Будимпешта.
Во текот на посетата, директорот Трифуновски со своите соработници патуваа со воз на брзата пруга и го посетија градилиштето на изградба на новата железничка станица Белград Центар во Прокоп, како и Телекомандата од која се следи и управува сообраќаjот на возовите на брзата пруга Белгрд- Нови Сад.
Трифуновски и Шурлан разговараа исто така за меѓуграничната соработка на управителите на инфраструктура на двете земји и можностите за нејзин развој.